Месяца ноября в 21-й день. Вход во храм Пресвятыя Владычцы нашея Богородицы и Приснодевы Марии - davaiknam.ru o_O
Главная
Поиск по ключевым словам:
страница 1
Похожие работы
Название работы Кол-во страниц Размер
Во Храм Пресвятыя Славныя Владычицы нашея Богородицы и Приснодевы... 1 100.05kb.
Введение во храм Пресвятой Богородицы 1 24.35kb.
Покров Пресвятой Владычица ашей Богородицы и Приснодевы Марии 01(14) 1 27.21kb.
Ходжаевой Марии «Храмы родного края. Успенский храм» 1 160.27kb.
Иконография праздника «Введение во храм Пресвятой Богородицы» 1 153.81kb.
Паломнический центр Мытищинского благочиния приглашает Вас в паломническое... 1 29.5kb.
План занятий и мероприятий на 2012-2013 учебный год 1 26.72kb.
Город Лебедин. При речках Ольшанке и Труханке, в 153 вер от Харькова 8 1614.52kb.
По следам Девы Марии в Иерусалиме 1 26.41kb.
Арскии район арск 74. Богоявленская церковь 1 26.43kb.
Святому праведному иосифу 1 117.62kb.
Сценарий классного часа «Земная жизнь Пресвятой Богородицы» 1 80.76kb.
Направления изучения представлений о справедливости 1 202.17kb.

Месяца ноября в 21-й день. Вход во храм Пресвятыя Владычцы нашея Богородицы и Приснодевы - страница №1/1

Месяца ноября в 21-й день.

Вход во храм Пресвятыя Владычцы нашея Богородицы

и Приснодевы Марии.

На Господи, воззвах, стихиры на 8, глас 1:

Стих: Из глубины воззвах к Тебе, Господи,/ Господи, услыши глас мой.

Днесь, вернии, ликовствуим,/ во псалмех и песнех Господеви поюще,/ и чтуще Того священную сень,/ одушевленный кивот,/ невместимое Слово Вместившую:/ приводится бо Господеви,/ паче естества плотию младенствующи,/ и святитель великий Захариа/ приемлет с веселием сию,// яко Божие жилище.

Стих: Да будут уши Твои/ внемлюще гласу моления моего.

Днесь храм одушевленный святыя славы/ Христа Бога нашего,/ Едина в женах Благословенная, Чистая/ приводится в храм законный жити во святых:/ и радуются с нею Иоаким и Анна духом,/ и девственнии лицы Госпо-деви поют,// псаломски воспевающе и чтуще Матерь Его.

Стих: Аще беззакония на=зриши, Господи, Господи, кто постоит;/ яко у Тебе очищение есть.

Ты пророков проповедание,/ апостолов слава, и мучеников похвала,/ и всех земнородных обновление,/ Дево, Мати Божия:/ Тобою бо Богу примирихомся./ Темже чтим Твое в храм Господень вхождение,/ и со ангелом вси песненно,/ радуйся, Тебе, Пречстая, вопием,// Твоими молитвами спасаемии.

Стих: Имене ради Твоего потерпех Тя, Господи, потерпе душа моя в слово Твое,/ упова душа моя на Господа.


От Господа приимше обещания плод,/ Иоаким и Анна Божию Матерь,/ благоприятну жертву, в храм введоша днесь,/ и Захариа, великий архиерей, благосло-вив, прият./ Святых святая во святых обитати достойно введеся,/ яко Богоприятна жертва./ И сию девы, добродетельми благоукрашаемы,/ впреди свещеносяще,/ приведоша Господу,// якоже сосуд священнейший.

Ины стихиры, глас 4. Стих: От стражи утренния до нощи, от стражи утренния,/ да уповает Израиль на Господа.

Во святых святая/ Святая и Непорочная/ святым Духом вводится/ и святым Ангелом питается,/ сущи святейший храм/ Святаго Бога нашего,/ всяческая освятившаго входом Ея,// и Обожившаго естество земных поползшееся.

Стих: Яко у Господа милость и многое у Него избавление,/ и Той избавит Израиля от всех беззаконий его.

Отроковицы, радующеся/ и свещы имуще,/ Свещи днесь предходят разумней:/ и вводят Сию во святая святых свя-щенно,/ проявляюще Хотящую Зарю/ неизреченно из Нея возсияти// и просветити во тьме седящыя неведения, Духом.

Стих: Хвалите Господа, вси языцы,/ похвалите Его, вси людие.

Веселяся приими, Захарие,/ возопи Анна всехвальная,/ Юже проповедаша Божии пророцы Духом,/ и сию введи во святый храм,/ священно воспитатися,/ яко да будет Владыки всех Божественный Престол,/ и Палата, и Одр,// и светозарное Обителище.

Стих: Яко утвердися милость Его на нас,/ и истина Господня пребывает во век.

Приидите, вси вернии,/ Едину Непорочную восхвалим,/ от пророков проповеданную,/ и в храм приведенную,/ прежде век пронареченную Матерь,/ и в последняя лета явльшуюся Богородицу./ Господи, молитвами Ея,// мир Твой подаждь нам и велию милость.

Слава, и ныне, глас 8:

По Рождестве Твоем, Богоневесто Владычице,/ пришла еси в храм Господень/ воспитатися во святая святых, яко освященна:/ тогда и Гавриил послан бысть к Тебе Всенепорочней,/ пищу Тебе принося./ Небесная вся удивишася,/ зряще Духа Святаго в Тя всельшася./ Темже, Пречистая и Нескверная,/ яже на небеси и на земли славима,// Мати Божия, спаси род наш.

На литии стихиры, глас 1.

Да радуется днесь небо свыше,/ и облацы веселие да кропят,/ о зело преславных величиих Бога нашего:/ се бо Дверь на востоки зрящая,/ рождшися от неплодове/ безплодныя по обетованию,/ и Богу освящена бывши в жилище,/ днесь в храм, яко непорочное приношение приводится,/ да радуется Давид бряцая в гусли:/ приведутся, рече, Царю девы в след Ея,/ ближняя Ея приведутся внутрь скинии Божия,/ внутрь очистилища Его,/ воспитатися в жилище, прежде век от Отца нетленно Рождшагося,// во спасение душ наших.

Глас 4: Днесь Боговместимый храм Богородица/ в храм Господень приводится,/ и Захариа сию приемлет:/ днесь святая святых радуются,/ и лик Ангельский таинственно торжествует./ С нимиже и мы празднующе днесь, с Гавриилом возопиим:/ радуйся, Благодатная, Господь с Тобою,// имеяй велию милость.

Слава, и ныне, глас 5:

Возсия день радостен и праздник всечестен:/ днесь бо Яже прежде Рождества и по Рождестве Дева пребывши,/ в храм Господень приводится,/ и радуется Захария старец,/ родитель Предтечев,/ и вопиет весело:/ приближися Предстательница скорбящих/ в храм святый, яко свята,/ освятитися во обителище Всецаря./ Да веселится Иоаким праотец,/ и Анна да радуется,/ яко принесоша Богу, яко трилетствующую юницу,/ Непорочную Владычцу./ Матери, срадуйтеся, девы, взыграйте,/ и неплоды, сликовствуйте,/ яко отверзе нам небесное Царство/ пронареченная Всецарица,// радуйтеся, людие, и веселитеся.

На стиховне стихиры, глас 5. Подобен: Радуйся:

Радуется, небо и земля,/ Небо умное, грядущее зряще,/ в Божественный дом воспитатися честно,/ Деву Едину и Непорочную,/ к Нейже дивяся Захарие вопияше:/ Двере Господня,/ храма отверзаю Тебе двери,/ радующися в нем ликовствуй:/ познах бо и веровах,/ яко уже избавление приидет проявленно израилево,/ и родится из Тебе Бог Слово,// даруяй мирови велию милость.

Стих: Приведутся Царю девы в след ея:/ искренния ея приведутся тебе.

Анна Божственная благодать яве,/ от благодати данную Чистую Приснодеву приводит с веселием в храм Божий,/ призвавши идти пред Нею отроковицам свещы носящым,/ и глаголющи: пойди, Чадо,/ Давшему Тя буди возложение,/ и благовонный фимиам./ Вниди в незаходимая, и увеждь тайны,/ и уготовися быти Иисусово Вместилище/ веселое и красное,// Подающаго миру велию милость.

Стих: Приведутся в веселии и радовании,/ введутся в храм Царев.

Внутрь в храм Божий,/ Боговместимый Храм возлагается Дева Всесвятая,/ и отроковицы Ей ныне,/ свещы носяще, предходят./ Играет родителей сопряжение изрядное,/ Иоаким же и Анна ликовствующе,/ яко родиша Творца Рождшую,/ Яже, ликовствующи в Божественных скиниих,/ и питаема рукою Ангеловою/ Всенепорочная, Христа явися Мати,// Подающаго миру велию милость.
На стиховне Слава, и ныне, глас 6:

Днесь, собори верных,/ сошедшеся, духовне да торжествуим,/ и Богоотроковицу, Деву и Богородицу,/ в храм Господень приводиму,/ благочестно восхвалим,/ предъизбранну от всех родов,/ во обителище всех Царя Христа и Бога:/ девы, свещы носяще, предидите,/ приснодевы, чтуще честное происхождение,/ матери, печаль всю отложивше,/ радостно споследствуйте Матери Бога бывающей,/ и радости мира Ходатаице./ Вси убо радостно,/ еже радуйся, со Ангелом возопиим Обрадованней,// присно молящейся о душах наших.

Тропарь, глас 4:

Днесь благоволения Божия предображение,/ и человеков спасения проповедание,/ в храме Божии ясно Дева является,/ и Христа всем предвозвещает./ Той и мы велегласно возопиим:/ радуйся// смотрения Зиждителева исполнение.



Вместо Молитвами Богородицы, поем на глас 2:

Слава: Днесь Храм одушевленный и великаго Царя/ в храм входит,/ Тому уготоватися в Божественное жилище:// людие веселитеся.

И ныне, тойже. Таже: Помилуй мя Боже,/ по велицей милости Твоей,/ и по множеству щедрот Твоих,// очисти беззаконие мое.

Стихира, самогласна по 50-м псалме, глас 4:

Днесь Боговместимый Храм Богородица/ в храм Господень приводится,/ и Захарие Сию приемлет:/ днесь святая святых радуются,/ и лик Ангельский таинственно торжествует./ С нимиже и мы празднующе днесь,/ с Гавриилом возопиим:/ радуйся, Благодатная, Господь с Тобою,// Имеяй велию милость.

На хвалитех стихиры на 4, глас 1.

Стих: Хвалите Его на силах Его,/ хвалите Его по множеству величествия Его.

Свещеносицы девы,/ Приснодеву светло провождающе,/ пророчествуют истинно Духом будущее:/ храм бо Божий Богородица сущи,/ в храм со славою девственною// младенствующи вводится.

Стих: Хвалите Его во гласе трубнем:/ хвалите Его во псалтири и гуслех.

Обещания святаго и Плод благославный,/ Богородица воистинну явися миру, яко всех Превышшая:/ Яже благочестно приводима в храм Божий,/ молитву рождших исполняет,// соблюдаема Божественным Духом.

Стих: Хвалите Его в тимпане и лице,/ хвалите Его во струнах и органе.

Небесным воспитана, Дево, хлебом,/ верно в храме Господни,/ родила еси миру Жизни Хлеб Слово:/ Емуже, яко Храм Избранный и Всенепорочный,/ предобручилася еси Духом таинственно,// обручена Богу и Отцу.

Стих: Хвалите Его в кимвалех доброгласных, хвалите Его в кимвалех восклицания:/ всякое дыхание да хвалит Господа.

Да отверзется дверь Богоприятнаго храма:/ Храм бо всех Царя и Престол,/ днесь со славою внутрь прием,/ Иоаким возлагает, освятив Господу,// от Него избранную в Матерь Себе.

Слава, и ныне, глас 2:

Днесь в храм приводится Всенепорочная Дева,/ во Обителище Всецаря Бога,/ и всея жизни нашея Питателя:/ днесь Чистейшая святыня,/ яко трилетствующая юница,/ во святая святых вводится./ Той возопиим, яко Ангел:// радуйся, Едина в женах Благословенная.




Такова уж природа искусства: художник не может страдать в одиночку. Ханс Келлер
ещё >>