1 Камени запечатану от иудей, и воином стрегущим Пречистое Тело Твое, воскресл еси тридневный, Спасе, даруяй мирови жизнь. Сего ради - davaiknam.ru o_O
Главная
Поиск по ключевым словам:
страница 1
Похожие работы
Название работы Кол-во страниц Размер
Приложение к часослову 27 1453.86kb.
Шива свародайя 3 398.87kb.
Сценарий празднования рождества христова 1 64.4kb.
Слава, Господи, Преображению Твоему! Аминь 1 121.31kb.
Преображение Господа Бога и Спаса нашего Иисуса Христа 06(19) 1 33.5kb.
Мантры кришне и раме 1 149.18kb.
Пасхальное послание 1 55.1kb.
Тропарь, глас 4 и нравом причастник, / и престолом наместник Апостолом... 1 125.59kb.
Дом Значение 1 78.66kb.
К анон Живоначальной Троице 44 3910.89kb.
Пост-релиз Миссия Вячеслава Зайцева: сотворение красоты и гармонизация... 1 35.25kb.
Кто твой Господь? Послание для тех, кто хочет узнать о Боге 12 796.14kb.
Направления изучения представлений о справедливости 1 202.17kb.

1 Камени запечатану от иудей, и воином стрегущим Пречистое Тело Твое, воскресл еси - страница №1/1

1

Камени запечатану от иудей, и воином стрегущим Пречистое Тело Твое, воскресл еси тридневный, Спасе, даруяй мирови жизнь. Сего ради силы небесныя вопияху Ти, Жизнодавче: слава воскресению Твоему, Христе, слава Царствию Твоему, слава смотрению Твоему, Едине Человеколюбче.

Буди, Господи, милость Твоя на нас, // якоже уповахом на Тя.

Радуйтеся, праведнии, о Господе, правым подобает похвала.

Алл.: Бог даяй отмщение мне и покоривый люди под мя.

Величай спасения царева и творяй милость Христу своему Давиду и семени его до века.
2

Егда снизшел еси к смерти, Животе Безсмертный, тогда ад умертвил еси блистанием Божества, егда же и умершия от преисподних воскресил еси, вся силы небесныя взываху: Жизнодавче, Христе Боже наш, слава Тебе.

Крепость моя и пение мое Господь и бысть мне во спасение.

Наказуя наказа мя Господь, смерти же не предаде мя.

Алл. Услышит тя Господь в день печали, защитит тя имя Бога Иаковля.

Господи, спаси царя и услыши ны, в оньже аще день призовем Тя.

3

Да веселятся небесная, да радуются земная, яко сотвори державу мышцею Своею Господь, попра смертию смерть, Первенец мертвых бысть, из чрева адова избави нас, и подаде мирови велию милость.

Пойте Богу нашему, пойте, пойте цареви нашему, пойте.

Вси языцы, воскликните Богу гласом радования.

Алл.: На Тя, Господи, уповах, да не постыжуся во век.

Буди ми в Бога защитителя и в дом прибежища, еже спасти мя.

4

Светлую воскресения проповедь от Ангела уведевше Господни ученицы и прадеднее осуждение отвергша, апостолом хвалящася глаголаху: испровержися смерть, воскресе Христос Бог, даруяй мирови велию милость.

Яко возвеличишася дела Твоя, Господи, // вся премудростию сотворил еси.

Благослови, душе моя, Господа, Господи Боже мой, возвеличился еси зело.

Алл.: Наляцы и успевай, истины ради и кротости и правды.

Возлюбил еси правду и возненавидел еси беззаконие.

5

Собезначальное Слово Отцу и Духови, от Девы Рождшееся на спасение наше, воспоим, вернии, и поклонимся, яко благоволи Плотию взыти на Крест, и смерть претерпети, и воскресити умершия славным Воскресением Своим.

Ты, Господи, сохраниши ны, // и соблюдеши ны от рода сего и вовек.

Спаси мя, Господи, яко оскуде преподобный

Алл.: Милости Твоя, Господи, во век воспою, в род и род возвещу истину Твою усты моими.

Зане рекл еси: в век милость созиждется, на небесех уготовится истина Твоя.

6

Ангельския силы на гробе Твоем, и стрегущии омертвеша, и стояше Мария во гробе, ищущи Пречистаго Тела Твоего. Пленил еси ад, не искусився от него, сретил еси деву, даруяй живот. Воскресый из мертвых, Господи, слава Тебе.

Спаси, Господи, люди Твоя, и благослови достояние Твое.

К Тебе, Господи, воззову, Боже мой, да не премолчиши от мене.

Алл.: Живый в помощи Вышняго, в дворех Бога небеснаго водворится.

Речет Господеви: заступник мой еси и прибежище мое, Бог мой и уповаю на Него.

7

Разрушил еси Крестом Твоим смерть, // отверзл еси разбойнику рай, // мироносицам плач преложил еси, // и апостолом проповедати повелел еси // яко воскресл еси, Христе Боже, //даруяй мирови велию милость..

Господь крепость людям Своим даст, // Господь благословит люди Своя миром.

Принесите Господеви, сынове Божии, принесите Господеви, сыны овни.

Алл.: Благо есть исповедатися Господеви и пети имени Твоему, Вышний.

Возвещати заутра милость Твою, и истину Твою на всяку нощь.

8

С высоты снисшел еси Благоутробне // погребение приял еси тридневное, // да нас свободиши страстей, // животе и воскресение наше, Господи, слава Тебе.

Помолитеся и воздадите, // Господеви, Богу нашему.

Ведом во Иудеи Бог, во Израили велие имя Его.

Алл.: Приидите, возрадуемся Господеви, воскликнем Богу Спасителю нашему.

Предварим лице Его во исповедании, и во псалмех воскликнем Ему.

Суббота

Помяни, Господи, яко благ, рабы Твоя, / и елика в житии согрешиша, прости: / никтоже бо безгрешен, токмо Ты, / могий и преставленным дати покой.

Веселитеся о Господе * и радуйтеся, праведнии.

Стих: Блажени, ихже оставишася беззакония и ихже прикрышася греси.

Душы их во благих водворятся.

Алл.: Воззваша праведнии, и Господь услыша их, и от всех скорбей их избави их.

Стих: Многи скорби праведным, и от всех их избавит я Господь.

Стих: Блажени, яже избрал и приял еси, Господи, и память их в род и род.




Возлюби ближнего, как самого себя, но не будь близок с кем попало. Луис Бил
ещё >>