Программа для учащихся 5-9 классов предусматривает углубление и расширение знаний и умений учащихся по мордовскому (эрзя) языку и ли - davaiknam.ru o_O
Главная
Поиск по ключевым словам:
страница 1
Похожие работы
Название работы Кол-во страниц Размер
Внеклассное мероприятие для учащихся 6 х, 7 х классов. 1 222.49kb.
Программа по музыке для 5 классов 1 104.63kb.
Программа кружка предназначена для учащихся 8-9 классов и предусматривает... 1 78.16kb.
Внеклассное мероприятие для учащихся начальных классов «Каша пища... 1 60.68kb.
Сценарий областной игры «город мастеров» 1 259.95kb.
Программа элективного курса по немецкому языку «Guten Tag, Deutschland! 1 65.71kb.
Рабочая тетрадь для учащихся 5 – 6 классов 1 118.51kb.
Рабочая программа по английскому языку для учащихся начальных классов... 3 441.6kb.
Викторина по истории Кубани «Знатоки истории Кубани» Викторина проведена... 1 80.77kb.
Программа кружка для учащихся 1-4 классов «Кукольный театр» 1 75.85kb.
Технологическая карта изучения темы «Где зимуют птицы?», 1 класс... 1 122.95kb.
Воины 4-го Гвкккк пропавшие без вести командиры 1 266.01kb.
Направления изучения представлений о справедливости 1 202.17kb.

Программа для учащихся 5-9 классов предусматривает углубление и расширение знаний - страница №1/1

Предисловие.

Издревле язык – общественное явление. Он крепко связан с нашим мышлением, служит нам лучшим средством общения друг с другом. Эрзянский язык – наш родной язык прошел длинный тернистый путь своего развития. Он достаточно богат, красив и ярок. Посредством языка мы передаем свои мысли, обретаем новые знания. Родной язык помогает учащимся стать патриотом своего народа, помогает стать трудолюбивым человеком.

Программа для учащихся 5-9 классов предусматривает углубление и расширение знаний и умений учащихся по мордовскому (эрзя) языку и литературе, приобретённых в начальных классах .

Целью изучения родного языка является подготовка всесторонне грамотного, культурного человека. Необходимо, правильным литературным языком, дать учащимся навыки устной и письменной речи, которые нужны будут им в дальнейшей жизни.

5 кл.- развитие интереса к изучаемому предмету, 6 кл.-стремление познать особенности языка, 7 кл.- умение анализировать изученное, 8кл.- сопоставлять, делиться своими знаниями по мордовскому языку с другими, 9кл.- оценивать владение языком как личное достоинство.

Современному учителю нужно дать достаточно знаний не только фонетики, лексики, морфологии, синтаксиса и стилистики родного языка. Нужно научить детей видеть богатство, красоту, певучесть родного языка, для того чтобы они могли излагать свои мысли и чувства устно и письменно на родном языке. Необходимо показать детям ценность родного языка, как в жизни всего народа, так и в жизни каждого человека.

Эти задачи большие и не легкие. Они разрешимы только тогда, когда сам учитель вкладывает в это свою душу, всегда углубляет и расширяет свои знания, всегда ищет новые пути для улучшения качества преподавания родного языка.


5-9 классо эрзянь келень программанть лувозо
Эрзянь келень тонавтыцянтень эряви парсте содамс ушодксонь класстнэсэ саезь содамочитнень, тевс маштомачитнень ды ёроксчитнень. Тень лангс нежедезь тонавтневи тиринь келесь 5-9 класстнэсэ. Тонавтыцянтень эряви кепедемс эйкакштнэнь бажамост тиринь келень коряс содамочитнень саеме; кастомс эйкакштнэнь мелеет седе парынестэ содамс эрзянь келень валонь сюпавчинть ды те сюпавчинть вельде тонавтомс сынст ёвтнеме эсест мелест-превест, арсемаст ды ёжомарямост.

Тиринь келень тонавтыцянтень башка мель эряви явомс теориянь сеть кевкстематнень лангс, конат аштить видестэ сёрмадомань, пунктуациянь ды кортамонь ёрокчинь касто-мань лувокс. Те лувось — гайтень ды буквань коряс валонь ванномась, пельксэнь-пелькс сынст явовомась, кортамо пель-кстнэнь эрьвейкедест явовомась, валрисьмень ды валонь сюлмавксонь пелькстнэ.

Теориянь коряс содамочитне максовить неень шкань ке­лень науканть вешеманзо мельс саезь. 5 классо тонавтневить синтаксисэсь (нурькинестэ), фонетикась, графикась ды орфографиясь, лексикась, валонь пелькстнэ ды валонь теевемась. 6 — 8 класстнэсэ тонавтневить морфологиясь (кортамо пелькстнэ) ды орфографиясь, 8 — 9 класстнэсэ — синтакси­сэсь ды пунктуациясь, грамматикась, текстэсь.

Эрьва классо иенть ушодовомсто васенце урокось алтазь тиринь келенть лезэнзэ панжомантень эрзянь раськенть эрямосо. Неть уроктненень анокстамс тонавтыцянтень лездыть минек эрзянь ученойтнень, историянь тонавтницятнень ды эрзянь сёрмадыцятнень книгаст (сынь максовить 3-це поладкссонть). Неть уроктнесэ панжови тиринь ке­ленть питнезэ башка ломаненть ды весе раськенть эрямосо, ёвтневи эрзянь раськенть эрямодонзо кезэрень шкане, косто саевсть эрзянь ды мокшонь кельтнень лемест, эрзянь келень коряс книгань васенце сёрмадыцятнеде (А.Ф. Юртовдо, М.Е. Евсевьевде, А.А. Шахматовдо, Д.В. Бубрихте, А.П. Рябовдо ды лиятнеде), истя жо неень шкань ученойтнеде.

Мель явови сень лангскак, косо ней тонавтневи эрзянь келесь: минек республикасо, Россиянь лия таркасо, косо эрить эрзятне, ды омбо масторсояк — Финляндиясо, Венгриясо. Омбо масторонь ломантне парсте чарькодить: ламо ке­лень содамось лезды ломанентень улемс седе превейкс, панжи ломаненть икеле од кить-янт, од кенкшть.

Неть уроктнесэ эряви истя жо ёвтнеме сеть эрзятнеде, кить эсест тевест коряс теевсть содавиксэкс аволь ансяк минек, но и омбо масторсояк (С.Д. Эрьзядо, Никон патриархтонть, Л.А. Русланова морыцядонть ды лиятнеде).

Неть уроктне лездыть кастомс эйкакштнэнь потсо эрзянь келентень мелень путома, вечкема, кепедьсызь эйкакштнэнь каштанчист эсенек раськенть кувалма.


КОРТАМОНЬ ЁРОКЧИНТЬ КАСТОМАСЬ

Программасонть башка пельксэкс максови кортамонь ёрок­чинь кастомась. Неень шкасто эрьва кодамо келень тонавтнемстэ сон аравтови малав васенце таркас. Сонзэ смустезэ сеньсэ: тонавтомс эйкакштнэнь аволь ансяк грамматикань ёнкстнэнь мукшномо-нееме ды видестэ сёрмадомо, но и ви­дестэ ёвтамо эсест арсемаст. Икелень программанть коряс кортамонь ёрокчинь кастоманть туртов максовить седе ламо част.

Эрьва пельксэнть, эрьва теманть ванномась лезды тонавтницятненень кортамонь ёрокчист кепедемантень. Тенень покш нежекс карми улеме фонетикань, лексикань, морфологиянь ды синтаксисэнь чарькодематнень тонавтнемаськак.

Кортамонь ёрокчинь кастомась ютавтови зярыя ки вельде, конатне вейкест-вейкест марто кеместэ сюлмазь.

Васенце кись — те сюпалгавтомс тонавтницятнень валонь таштавксост. Те тевсэнть лездыть свалшкань ютавтневиця эрьва кодат упражнениятне, диктантнэ, изложениятне ды сочинениятне. Эряви тонавтомс учениктнень нееме асодавикс ды ачарькодевикс валтнэнь, кевкстеме сынст смустест тонавтыцянть кедьстэ или, седеяк паро, ваномс сынст валкссто. Тонавтыцясь панжи сеть валтнэнь, валонь сюлмавкстнэнь ды валмеревкстнэнь смустест, конат вастневить келень ды литературань уроктнесэ. Эряви макснемс тонавтницятненень орфографиянь, этимологиянь, синонимень, эпитетэнь валке марто эрьва кодат заданият (кочкамс те эли тона валонтень синонимть, муемс ачарькодевикс валтнэнь смустест, панжомс кеме валзюлмавкстнэнь смустест).

Эрьва тонавтницянтень эстензэяк эряви ветямс валкске, конась аштезэ зярыя пельксстэ (саемга, «Сложной валт», «Ди­алектной валт», «Ташто валт», «Од валт ды чарькодемат», «Тикшень лемть», «Нармунень лемть» ды седе тов).

Кортамонь ёрокчинь кастомань омбоце кись — те литературань келень видестэ ёвтамонь (орфоэпиянь), видестэ сёрмадо­мань (орфографиянь), валонь ды формань теемань (морфологиянь) ды валрисьмень теемань (синтаксисэнь) лувтнень тонавтнемась.

Эряви свал витемс эйкакштнэнь, бути сынь теить ильведькст валонь ёвтамосонть (саемга, кудусу кудосо) ды ва­лонь полавтнемасонть (саемга, молъдям мольтяно). Истя жо эрявить витемс эйкакштнэ сестэяк, бути сынь эсест кортамос совавтыть эрзянь валтнэнь таркас саень валт, конатне а сюпалгавтыть ды ансяк колыть кортамонть (саемга, курямс таргамс, гвоздя — эске). Те тевесь лезэвекс карми улеме сестэ, бути тонавтыцясь вадрясто содасынзе велень кортавксонть башка ёнксонзо, сонсь корты ансяк литературань келень лувонть коряс, свал мель явозь кунсолы тонавтницятнень кортамост, тонавты эйсэст эсь кортамост мельга ваномо ды ильведькстнэнь витеме.

Паро теемс наглядной пособия (таблица) — «Кортадо видестэ», косо ве пеле максозь валтнэнь ёвтамост кортавкссонть, омбоце пеле — литературань лувтнень коряс.

Кортамонь ёрокчинь кастомань колмоце кись — те тонавтомс эйкакштнэнь эсь арсемаст, мелест-ёжост ёвтнеме. Ёвтнемстэ ды сёрмадомсто кортамонь ёрокчись кемекстави эрявикс упражнениянь топавтомсто, изложениянь ды сочинениянь сёрмадомсто. Эйкакштнэ тонавтнить саезь те-манть ванномо ды арсемань лувонть муеме, планонь тееме, келень эрявикс ёнксонть панжомо ды сёрмадозенть витеме-петеме.

Изложениянь ды сочинениянь текстнэ эрявить кочкамс истят, конатнесэ топавтовольть аволь ансяк кортамонь ёрок­чинь кастомань вешематне, но лездавольть эйкакштнэнень чарькодемс эрямонь свалшкань питневчитнень, кастомо виде тевентень кемиця, валдо ойме ды мазычинь мариця, перть пельксэнь ванстыця ломанть.

Кортамонь ёрокчинь кастомантень эрьва иень программасонть максозь эрявикс шка. Но те тевенть эряви ветямс аволь ансяк кортамонь ёрокчинь кастомань башка уроктнесэ. Сонзэ эряви ветямс келень ды литературань малав эрьва уроксонть. Ды бути те эли тона теманть коряс тонавтнема книгасонть кортамонь ёрокчинь кастоманть коряс тевтнеде аламо, сестэ тонавтыцянтень эряви эстензэ пола-доме эли полавтомс тевенть. Ванномань кисэ: максозь текстстэнть муемс местоимениятнень ды ёвтамс, кодамо ку-ронь сынь. Те тевесь, неень шкань дидактиканть лувонзо коряс, а карми улеме кортамонь ёрокчинь кастомакс. Сон­зэ эряви поладомс истя: Кодамо текстэсъ ёвтнеманъ (по­вествования), эрямодо сёрмадовкс (описания) эли арсемань (рассуждения)? Кодамо сонзэ эйсэ лувонъ арсемасъ? Кодамо лицянь пельде моли ёвтнемась? Зяро пелъксстэ ашти тек­стэсъ? Келенъ кодат башка ёнкст саевить текстсэнтъ? Кода лемдемалъ бу текстэсъ? Кодамо произведениясто сон саезь ды кие сёрмадыцязо? Неть а стака кевкстематне кармавтыть эйкакштнэнь арсеме ды эсь арсемаст видестэ ёв-тамо. Те тевесь саи аволь пек ламо шка ды максы покш лезэ кортамонь ёрокчинь кастомасонть.

Кортамонь ёрокчинь кастомань тевенть эйстэ а эряви явомс ёжомарязь ловноманть. Сынь кеместэ сюлмазь вейкест-вейкест марто. Ёжомарязь ловномо тонавтомасонть неявикс таркасо аштить синтаксисэнь коряс уроктне, ко­натнесэ мель явови вайгелень ветямонть (интонациянть) мельга.

5 классо явови мель эрзянь фонетиканть башка ёнксонзо лангс — олячинь ударениянть, гласноень полногласиянть ды гармониянть лангс. Эряви тонавтомс эйкакштнэнь эрзянь стнхтнень лов­номо, сынст эйсэ лувонть муеме, аллитерациянть ды рифманть марямо.

Кортамонь ёрокчинь кастомантень лездыть уроконь од форматнеяк: викторинатне, КВН-тнэ, семинартнэ, заочной экскурсиятне ды путешествиятне.

5 — 7 класстнэсэ ютавтовить урокт-викторинат, урокт-экскурсият, урокт-КВН-т, урокт-путешествият. Неть уроктнесэ кемекстави аволь ансяк тонавтницятнень теориянь коряс содамочист, но и сюпалгады сынст валонь таштавк-сост. Неть уроктнес совавтовить ламо налксемат, ёжов кевкстемат, конатне пек вечкевить тонавтницятненень. Истя, «Минек вирьсэ» теманть коряс уроконтень-экскурсиянтень анокстамсто ды сонзэ ютавтомство тонавтницятне мельс лецтясызь сынст вирьсэ касыця чувтнэнь, тикшетнень, куракштнэнь, панготнень, идем ракшатнень, нармунтнень, унжатнень лемест. Кочкить эрявикс стихотвореният, валмеревкст, содамоевкст, анокстыть евтнемат ды налксемат (сценкат) ракшатнень ды нармунтнень эрямост коряс. Урокось-КВН-сь ютавтови эрьва кодамо темань коряс, саемга, валонь кеме сюлмавкстнэнь коряс. Заданиятне ды кевкстематне эрсить эрьва кодат:

1) муемс валмеревкстнэнь омбоце пельксэст: шнак пря аволь ушодомсто, (шнак пря прядомсто), келъсэ эрьва ков, (тевсэ — а тей, а тов);

2) ёвтамс рунгонь пельксэнь лемдиця вал марто валонь кеме сюлмавкст ды панжомс сынст смустест: сельгень прамс, прянзо лангс стявтомс, судодо усксемс ды лият;

3) валонь кеме сюлмавкстнэнень кочкамс антонимень па­рат: ваномс пштистэ — (ваномс суронь пачк), сускомс келъ — (юксемс кель).

Кортамонь ерокчинь кастомасонть лезэвекс кармить улеме колазь текстэнь витематне ды рузонь кельстэ эрзякс ютавтоматне. Рузонь кельстэ эрзякс ютавтоматне лездыть кепедемс тонавтыцятнень валонь таштавксост ды келень ежомарямочист.



ЛИЯ ПРЕДМЕТНЭНЬ МАРТО СЮЛМАВОМАСЬ

Эрзянь келенть тонавтнемстэ покш мель эряви явомс лия предметнэнь марто сюлмавоматненень. Сех кеметь неть сюлмавоматне тиринь литературанть марто. Келень ёнкстнэ, васняяк, ванновить художественной литературасто саевкстнэнь коряс. Кортамонь ерокчинь кастомаськак ютавтови эрьва кодамо художественной литературань сёрмадовкстнэнь коряс.

Тиринь келенть тонавтнемась кеместэ сюлмавозь рузонь ды омбо масторонь кельтнень тонавтнемаст марто. Рузонь, англань, немецень, французонь ды лия кельтнень ёнксост седе парсте чарькодевить, бути нежедемс тиринь келень коряс содамочитнень лангс. Келень коряс вейкеть чарькодемат (подле­жащей, сказуемой ды лият) улить весе неть кельтнесэ. Вейкеть чарькодемат (антонимть, эпитетт, олицетвореният) вастневить тиринь келень ды литературань коряскак.

Тиринь келень уроксто истя жо эрявить кирдемс сюлмавомат географиянть, зоологиянть, биологиянть, астрономиянть мартояк. Истя, собственной лемтнень ютамсто эряви максомс чарькодема топонимиядо, содамс эсь райононь эрзянь велетнень лемест, эсест велень перька виртнень, латкотнень, эрькетнень, лейтнень лемест. Собственной лемтнень ютамсто истя жо мельс лецтявить эрзянь ды мокшонь художниктнень ды композитортнэнь лемест, сынст произведенияст лемест. Нарицательной лемтнень ютамсто мельс лецтявить нармунтнень, ракшатнень, унжатнень, калтнэнь ды лия мезтнень лемест. Валкстнэнь коряс эрявить муемс сеть валтнэньгак, конат меельце шкатнестэ полавтовкшность рузонсесэ ды ней таго совавтовсть корта­мо рисьментень. Зоологиянь коряс тонавтнема книгастонть эряви макснемс рузонь кельстэ эрзякс ютавтнемат кодаткак ракшатнень эли нармунтнень эрямо таркадост ды обуцядост. Весе те лезды эйкакштнэнь валонь таштавксост кастомантень.



5-це классось

1. Перть пельксэсь тонавтницятнень эрьва чинь эря­мосо. Минек школась, классось, тонавтнемань ушодомась.

Иень шкатне. Ушосо сёксь. Ильтятано кизэнть. Мезестэ неяви кизэнть прядомазо. Перть пельксстэ кортнемат. Сёксенть оршамонзо. Сёксенть мельга моли телесь. Ашо ловось вельтизе моданть. Кода ютавтано минь теленть. Вирень эрицятне тельня вешить лезэ. Лембе тундось ловонть пани. Цецинесь панжи прянзо, видьмесь пижелды паксятнесэ.

Учотано каникулат. Кудонь тевтне, школань пиресэ, паксясо.

Мон якан магазинэв кшинь ды ловсонь рамсеме.

Ломанесь. Ломаненть мазычинзэ лангс ваномсто, сонзэ оршамонзо, карсемапелензэ, тевензэ, арсеманзо. Эикакштне ды покш ломантне. Тейтернетне ды цёрынетне. Аватне ды цёратне.

Тетятне-аватне. Семиясо эрямось.

Тонавтнемань тевтне минек эрямосо. Ламо кармат содамо, улят превей ломанекс.

2. Тиринь масторось.

Вишка ды покш тиринь масторось. Эсь ошто (веледе) кортнемат. Ошонь, велень содавикс ломантне.

Паксяв, вирев, лей лангов экскурсиянь ютавтомадо мейле кортнемс неезденть, сёрмадомс эсь валсо 4—5 предложениясто сочинения.

Мордовиянь столицась, Россиянь столицась.



Кортамо келень содамочинтень вешематне

Аудированиянь ютавтомсто чарькодема эрзянь кельсэ кортамонь ветямонть лувонзо, тонавтыцянть кортамонзо, темань коряс ёвтнеманзо.



Кунсоломс ды чарькодемс а покш художественной текстт. Ловны учителесь, кунсолови звукозапись эли лов­ны тонавтниця.

Сайневить текстт, конатнень эйкакштне тонавтнизь 5-це классо. Эйзэст совавтовить 2% асодавикс валт. Смустест чарькодеви саезь текстэнть коряс эли муеви валксонь коряс. Текстэсь улезэ 7—8 фразасто эли а покш предложениясто, молемазо 4—5 минутат.



Кортамось

Маштома эсь юткова кортамонь ветямо, кевкстемань максомо, кевкстема лангс отвечамо. Кортамос совавто­вить ёвтамонь, кармавтомань ды вешемань репликат эли а покш предложеният. Сынь теевить 3—4 валсто. Эйсэст вастневить дополненият, уточненият, определеният. Кор­тамос совавтовить 6—7 репликат эли предложеният. Сынст сёрмадомс келень норматнень вешемаст коряс.

Кортамось ветяви се материалонть лангс нежедезь, кона ютазель 1—4 классо ды тонавтневи 5-це классо.

Вейкень кортамонь (монологонь) ветямсто апак анокста маштомс смустень апак тапа тееме ёвтнема максозь темань коряс, содавикс ситуациянь коряс, ловнозде. Маштомс тееме яволявтома, описания. Кортамос совав­товить ёвтнемань, невтемань (описаниянь) толковамонь валрисьметь.

Ёвтнемантень, яволявксонтень (сообщениянтень) со­вавтовить 7—8 фразат эли а покш предложеният. Сынь теевить келень тонавтнезь материалонть лангс нежедезь.

Ловномась

Ловномсто чарькодеви весе се, мезде кортави текстсэнть. Текстнэ сайневить тонавтнезь грам­матической материалонь коряс. Ловновикс текстэнтень совавтовить кавто процент а содавикс валт. Сынь чарькодевить смустень коряс эли максови тенет чарь-кодема.

Эйкакштне тонавтовить кавто келень валке марто ловномань ды вейке кельстэ омбоцес ютавтомань тееме.

Вейке минутас ловновить сядошка валт.

Грамматикась, видестэ валонь ё в т а м о с ь д ы сёрмадомась

I—IV класстнэсэ тонавтнезенть мельс лецтямось.

Вейкень ды ламонь числасо существительнойтнень неень, ютазь, сыця шкань формасо глагол марто кортамосо сайнемась.

Вейкень ды ламонь числасо существительнойтнень прилагательной марто кортамосо сайнемась.

Существительноенть таркас местоимсниянь сайнемась.

Основной, указательной ды притяжательной склонениясо аштиця существительной марто грамматической конструкциянь кортамосо сайнемась.

Прилагательнойтнень существительной марто сюлмавомась.

Васенце, омбоце ды колмоце лицянь местоимениянь форматне вейкень ды ламонь числасо. Сынст кортамосо сайнемась.

Порядковой ды количественной числительнойтне. Сынст существительной марто сайнемась, видестэ сёрма­домась.

Отрицания марто глаголтнэнь кортамосо сайнемась.

Ютазь материалонть мельс лецтямсто эрьва уроксто ютавтнема ильветькстэме сёрмадома маштомачинь касто-мань ды кель-валонь сюпалгавтомань кисэ, ютавтнема диктантт 5—6 аволь покш предложенияето, изложеният, сочиненият.

Изложениянь, сочинениянь сёрмадомсто нурькинестэ невтеви ловнозенть эли марязенть содержаниязо смустень апак тапа. Сёрмадовксонтень совавтовить 7—8 фразат эли предложеният.

Сёрмадома ильветькстэме сеть валтнэнь, конатнень эйкакштне кармасть содамо 1—4 классо ды 5-це классо.

Валонь теевемась.

Существительноень суффикс вельде (кедь — кедькс), кавто ды седе ламо вал юронь вейс сюлмавома вельде (тов, сюро — товзюро), кавто валонь вейс сюлмавома вельде (карь, пракста — карть-пракстат), лия кортамо пельксстэ существительноень категориянтень валонь со-вавтома вельде (субстанция: тонавтниця, эриця) тееве­мань способтне.

Вишкалгавтыця суффикстнэнь вельде (веле — велине).

Маштомс кортамосо тевс нолдамо ды видестэ сёрмадомо основной, указательной ды притяжательной склоне-ниясо существительнойтнень падежень форматнень;

— валонь теиця ды вишкалгавтыця суффикстнэнь марто существительнойтнень.

Качественной прилагательнойтнень сравнениянь степенест, сынст теевемаст. Качественной прилагательноень вишкалгавтыця суффикстнэ: -не, -нэ, -ыне, -ине, -ке (лембе — лембине, превей — превейне, ожо — ожине, покш — покшке); качествань киртиця суффикстнэ: -ла, -жа, -ижа, -наза (нола — нолажа, ашо — ашола, ашназа), лия кортамо пельксстэ теевемань суффикстнэ: -в, -й, -це (лопа — лопав, келе — келей, икеле — икельце).

Относительной прилагательноень -нь суффиксэсь (чувто-чувтонь).



Маштомс вишкалгавтыця ды качествань киртиця суф­фикс вельде прилагательноень формань тееме, кортамосо тевс нолдамо ды видестэ сёрмадомо.

Количественной ды порядковой числительнойтне.

Простой, сложной, парной ды составной числительнойтнень кортамосо тевс нолдамост ды видестэ сёрмадомаст.

Маштомс: ламочинь, лувонь ды вейсэндямонь числительнойтнень существительной марто сюлмамо, кортамсто тевс нолдамо ды видестэ сёрмадомо.

Личной, усилительной-личной ды возвратной местоимениятнень теевемаст, падежень формаст.

Маштомс:


  • келень мазылгавтомга кортамосонть местоимени-ятнень тевс нолдамо, видестэ сёрмадомо;

  • монь, тонь, сонзэ, минек, тынк, сынст притяжа­тельной местоимениятнень личной местоимениянь роди­тельной падежень форматнень эйстэ явомо.

Тонавтневиця грамматической материалонть кемекстамонзо.

Ловномань ды кортамонь примерной тематикась.



I. Тиринь мастором — Россиясь.

Стихотвореният, ёвтнемат тиринь мастордонть, чачо-ма-касома таркадонть ды сынст перть пельксэнь мазычиденть.

П. Гайни «Чачома край» стих.

Я. Пинясов «Ялгаксчинь чувто» ёвтнеманть коряс.

М. Втулкин «Лиянь пизэ» ёвкс.

С. Люлякина «Эрзянь кель» моро.



II. Сырнень сёксь.

Мокшэрзянь писательтнень ды поэтнэнь произведени-яст, косо парсте невтеви сёксень артовкстнэ, покштнень ды вишкинетнень тевест те иень шкастонть.

Е. Пятаев «Кизэсь ютась» стих.

Л. Седойкин «Сёксень вайгель» ёвтнема.

А. Эскин «Сёксень эскелькст» стих.

В. Мишанина «Лугань цецят» ёвтнема.



III. Сынь минек оянок.

Ёвтнемат, ёвкст, стихотвореният, содамоёвкст нармунтнеде ды ракшатнеде, сынст лезэвчист ломаненть эрямосо. М. Втулкин «Каткань лсциця» ёвтнема.

И. Горбунов «Куко» стих.

«Питпсй лайшиця» ёвкс.

А. Щеглов «Пурцуз» стих.

«Кискине-крендельпулыне» ёвкс.



IV. Важодемась — ине кеняркс.

Ёвтнемат, стихотвореният, морот, пейкшнемат, налксемат важодемадонть.

А. Богомолов «Якстере умарть» ёвтнема.

С. Люлякина «Кие кода эйкакшт касты»

П. Любаев «Митя школав а пурнави» стих.

В. Сёмкина «Репкске» налксема.

Т. Ерёмкина «Мезе теят — секень неят» пеедькшнема.

V. Ашо телесь сась.

А. Мартынов «Теле» стих.

Т. Тимохина «Од лов» ёвтнема.

И. Кривошеев «Тельня вирьсэ» стих.

П. Ключагин «Нумолкайне» ёвтнема.

VI. Сынь зярдояк а стувтовить.

Произведеният мокшэрзянь содавикс ломанде (С. Эрь-зя (Нефёдов), Ф. В. Сычков,

М. П. Девятаев, М. Боров, Л. Русланова).

VII. Перть пельксэсь.

С. Люлякина «Томбавсь тарадкесь» стих.

Т. Тимохина «Кевкстик пиже озяскенть» ёвтнеманть коряс.

«Чись ды Пиземе Чирькесь» ёвкс.

И. Кривошеев «Касыть чувтынеть» стих.

VIII. Тундо.

М. Безбородое «Тундо» стих.

В. Сёмкина «Паро ялга» ёвтнема.

Я. Григошин «Мазый тундось сась» стих.


СЁРМАДОМАСЬ

Ютазенть мельс лецтямось.

Гайтне ды букватне. Гласнойтне ды согласнойтне. Чевте ды калгодо согласнойтне. Валонть куншкасо ды валонть песэ согласнойтнень чевтечист чевте знаксо (Ь) невтемась.

Слогось. Валтнэнь слогонь-слог явномась. Вейке строчкасто омбоцес валонть кандомась.

Кавонзазь согласнойтне. Валонть песэ гайтев ды гайтеме согласнойтнень сёрмадомась (куз — кузт — кузось).

Алфавитэсь. Упражненият, конат лездыть алфавитэнть тевс нолдамо. Покш букванть сёрмадомась.

Валось. Валт, конат невтить предметт ды отвечить кие? мезе? кевкстематнень лангс. Валт, конат невтить предме-тэнть эрьва кодат ёнкст ды отвечить кодамо? кодат? кев­кстематнень лангс.

Валюрдонть чарькодемась. Раськень валтнэ. Валке марто важодемась.

Предложениясь. Предложениясо валтнэнь сюлмаво-мась. Маштомс предложенияетонть явомо валтнэнь, ко­нат невтить киде? эли мезде? моли кортамось, мезе сын-дест кортави. Подлежащеесь ды сказуемоесь — предложениянть лувозо. Предложениясо валтнэнь сюлмавомаст. Предложениятнень видэст.

Иень перть ютазенть лецтямось.


6-це классось

Кортамонь ды ловномань ёрокчинь кастомань кисэ сайневикс примерной т е м а т н е

Ушодовсь тонавтнемась. Таго весе васто-винек. Тонавтнемась — минек сехте покш тев.

Монь паро оям. Вейке парта экшсэ. Эрятано вейке кудосо (ульцясо).

Лецтнемат кизэнь каникуладо. Мезекс эрявить ломанентень кедтне. Кизэсь аволь ансяк оймсемань шка. Кие кода лездась пиресэ, садсо, паксясо, ракша мельга якамосо. Кизна важодят — тельня вачо а улят.

Ломанесь. Ломанень обуцянь а вейке ёнкстнэ. Кинень мезе вечкеви эрямосонть.

Т е т я н е н ь-а в а н е н ь кудонь тевсэ л е з д а м о с ь. Кудосо ули вишка братом (сазором).

И е н ь шкатне. Сёксенть эсензэ мазычизэ. Прядовсь лембе мазый кизэсь. Телеськак канды кеняркс. Минек леесь кизна ды тельня. Калонь кундамось кизна. Эй ланга кирякстнемась тельня. Ванстомс леенть ваньксчинзэ.

Сась тундось. Тейтяно нармунень кудот. Чувтотне тунда вирьсэ ды сад пиресэ.

Эрьва ч и н ь, иень шкадо кортнема. Кодамо шкась, иесь, ковось, чись, зяро шказо.

Тиринь масторось. Мордовиянь оштне, рай­онной центратне. Картань коряс путешествия. Эсь ошонь (велень) географической таркась. Природась ды климатось. Ютавтомс письменной робота.

Праздниктне, конат тешкетавить весе Россиянь келес.

Мирэнь кисэ бороцямось.

Кортамокелень содамочинтень вешематне

Чарькодезь кунсоломась, аудирова­н и я с ь.

Марязь кортамонь чарькодема содавикс ситуациянь коряс, учителенть кортамозо уроксо, темань коряс ёвтнеманзо.

Программань материалонь коряс ловнозь ды марязь текстэнь чарькодема. Текстнэ сайневить се келень материалонть коряс, кона тонавтневи 6-це классо ды ульнесь тонавтнезь 5-це классо. Текстэнтень совавтовить 2% а содавикс валт. Сынь чарькодевить смустень коряс.

Текстэнтень совавтовить 8—9 фразат эли а покш пред­ложеният.

Текстэнть кунсоломась —4—5 минутат.



Кортамось

Эсь юткова кортамонь ветямось ютавтови апак анокста. Кортнемась ветяви содавиксстэ, неезде, марязде. Максови тензэ питне (оценка), эрьва кортыцясь ёвтасы мелензэ-валонзо кортамонь теманть коряс. Кортнемась ветяви максозь темань коряскак. Улест кевкстемань, ёвтнемань, кармавтомань, тердемань, вешемань, ве мельс прамонь (согласиянь) эли эрьвань эсь мелень-арсемань улемань коряс толковамот.

Кортамонтень совавтовить 7—8 репликат эли а покш предложеният.

Вейкень (монологической) кортамось.

Апак анокста, видестэ, смустень апак тапа теемс ёвтне-ма, косо ули описания, эсь валсо ёвтнема седе, мезе ма-рязь ды ловнозь темань коряс. Кортамонтень совавто­вить 8—9 репликат эли а покш предложеният. Сынь теевить программань коряс ютазь келень материалонть лангс нежедезь.

Ловномась.

Чарькодезь ловнома васенцеде максозь текст. Маш-томс эсь пачка ды вайгельсэ ловномо. Ловномань текстсэ келень материалось саеви программань коряс эйкакштне-нень содавикс материал лангс нежедезь.

Од валт текстсэ вастневить колмо процентэ аволь седе ламо. Сынь чарькодевить контекстэнь коряс эли муевить валксонь коряс.

Минутас ловнови 300—350 знакто аволь седе ламо.

Сёрмадомась

Маштомс ильветькстэме сёрмадомо сеть валтнэнь, ко-натнень тонавтницятне кармасть содамо.

Тонавтнезь темань коряс ёвтнемань сёрмадома. Изло-жениянь сёрмадома Анокстамось моли учителенть лезэнзэ вельде.

Ёвтнемась эли сочинениясь тееви 8—9 предложениясто.

Мокшэрзянь фольклоронь ды художественной литературань текстт, конатнень марто теевить содавиксэкс школасо тонавтницятне.

Мокшэрзянь фольклоронть сюпавчизэ, эрямонть мар­то сюлмавксозо.

Ёвкст. «Кода Овтось ды Нумолось кстый мельга якасть», «Катка, атякш ды ривезь», «Ривезь ды карго», «Од ава».

Содамоёвкст. Ловномкат. Кельяжамкат.

Эпической морот. «Вирь чиресэ», «Шаткинань паксясь».

Ф. Чесноков «Тетяка левкс» (ёвтнемастонть саевкс).

М. Безбородое «Вирь», «Телесь сы»

К. Абрамов «Седикелень школасо» (саевкс «Эрзянь цёра» романсто).

А. Куторкин «Сёксь», «Тундо», «Кизэ»

Н. Тремасов «Нука ды Тука» ёвкс

А. Мартынов «Теле», «Лейнесь шольни, лейнесь налкси»

С. Ларионов «Архип атянь ёлказо» (ёвтнемастонть са­евкс)

А. Эскин «Чинь стямо», «Килей»

М. Тарасова «Мурзай» ёвкс

С. Люлякина «Кие кода эйкакшт касты»

Ю. Кузнецов «Ташто шинель»

«Пленстэ — самолётсо» (М. Девятаевде)

В. Радин «Мекс ломантне роботыть?»

В. Мишанина «Сёрмав каткине»

Р. Федькин «Вишка партизан»



Сёрмадомась

5-це классо ютазенть лецтямось.

Валось. Валонть пелькстнэде вейсэнь чарькодемась: валонь юрось, суффиксэсь, песь. Раськень валтнэ.

Кортамо пелькстнэ. Кортамо пелькстнэде чарькоде­мась: существительноесь, прилагательноесь, местоимениясь.

Существительноесь. Существительнойденть чарькоде­мась. Существительноень собственной ды нарицательной лемтне. Существительнойтнень числаст. «Ойме марто» ды «оймевтеме» предметэнь невтиця лемтне.

Склонениядо чарькодемась. Основной склонениянь падежень лемтне ды кевкстематне. Кавксо падежде чарь­кодемась. Падежень петне. Существительнойтнень эрьва кодамо падежсэ тевс нолдамось.



Прилагательноесь. Прилагательноесь кода кортамо пелькс. Прилагательнойтнень теевемаст ды сёрмадомаст.

Местоимениясь. 1-це, 2-це ды 3-це лицянь местоимениятне вейкень ды ламонь числасо. Существительнойтнень таркас местоимениянь сайнемась. Личной местоиме-ниянь склонениясь.

Иень перть ютазенть мельс лецтямось.

Изложениядо чарькодемась. Тонавтомань изложеният.

Важодемадо, налксемадо, тонавтнемадо аволь покш ёвтнемань сёрмадомась.
7-це классось

Кортамонь ды ловномань ёрокчинь кастомань кисэ сайневикс примерной т е м а т н е

Школань, классонь, эрямосо койтнеде. Кодат пред-метт тонавтневить, кодат кружокт улить школасо. Кинь мельс мезе тукшны школань тонавтнемань кружоконь роботасо.

Профессиядо кортнема. Тонавтнищтнень эрямосо покш киява молемантень анокстамось.

Ломанень обуцясо эрьва кодат ёнкстнэ. Кинь, кодат улить вечкевикс тевензэ, кинень мезе вечкеви перть пелькссэ, тонавтнемасо.

Ванстома эсь шумбрачинть. Кортнемат вастневиця зыянов тевде (таргамодо, симемадо, ломаннень берянень теемадо). Зыянов тевтне колыть аволь ансяк ломанень обуця, лавшомгавтыть сонзэ шумбрачинзэяк. Кие кодамо спортонь тев вечки. Кие кода кемексты эсь шумбрачинзэ.

Перть пельксэнь мазычись редяви эрьва чистэ, иень эрьва шкасто. Те мазычись миненек ванстома. Телень ды кизэнь оймсемань ды налксемань тевде кортнема.

Яла седе ламо лезэ макстано тетятненень-аватненень кудосо, пиресэ, паксясо.

Ловномась канды покш лезэ, кеняркс ды содамочить.

Минек республикань содавикс писательтне, поэтнэ.

Тиринь масторось покш ды келей. Эйсэнзэ эриця народтнэ. Московось — Россиянь столица.

Путешествия картань коряс (кодат ошт, лейть, ине-ведьть, пандот, эрькть улить Россиясо).

Мордовиянь природанть (перть пельксэнть) сюпавчи-зэ: лейть, паксят, вирть, эрькть, вирень ды кудонь ракшат.

Сочинениянь сёрмадома.



Кортамо келень с одамочинтень вешематне

Чарькодезь кунсоломась, аудирова­н и я с ь.

Содавикс ситуациянь коряс марявикс кортамонь чарькодема.

Тонавтыцянть мереманзо чарькодема ды топавтома, сонзэ темань коряс ёвтнеманть чарькодема.

Чарькодемс тонавтыцянть ды лиятнень уроксо эрзякс кортамост содавикс ситуациянь коряс ды звукозаписнень, коиат теевить программасо саезь келень материалонть лангс нежедезь. Сайневикс текстнэсэ улезэ кавто процентэ седе аволь ламо од валт. Сынь чарькодевить контекстэнть вельде.

Текстсэ вастневить истят валткак, конат а чарькоде­вить. Ялатеке сынь а мешить смустень чарькодемантень.

Текстэнь кунсоломась молеви 5—6 минутат.

Кортамось

Э с ь ю т к о в а кортамонь ветямось. Икеле апак анокста ютавтомс эсь юткова кортнема. Корты-цятне кемекстыть эсь вановтост (мненияст) кодамояк кевкстемань коряс, максыть седе келей чарькодема седе, мезе арсить ёвтамс кунсолыцятненень. Кортамось ютавтови се материалонть лангс нежедезь, кона тонавтнезель I—IV классо. Эрьвась ёвты 5—6 репликат. Кортнемась ютавто­ви максозь темань коряс; седе, мезе содыть, несть икеле эли ловность. Целень ды потмоёжонь невтемань (эмоцио­нальной) ёндо репликатне улест а вейкеть. Кортамонтень совавтовить кевкстемань, ёвтамонь, кармавтомань, тердемань, вешемань, ве мельс прамонь эли а вейке мелень репликат.

Вейкень (монологической) корта­м о с ь. Маштомс ёвтнеме апак анокста максозь темань коряс, эсь валсо невтеме сень, мезесь марязь ды ловнозь темань коряс.

Кортыцясь эсь ёвтнемазонзо совавты эсензэ мельть-арсемат (рассужденият) ды максы питне (оценка) ёвтневиксэнтень.

7-це классонь тонавтницятненень маштома анокстамо ды тееме а покш информациянь кондят яволявкст (сообщеният) максозь кевкстемань коряс. Эйзэнзэ совавтови личной оценка (эсь питнень максома), аргументация.

Тонавтницянть кортамос совавтовить 9—10 фразат эли а покш предложеният. Сынь теевить программань коряс ютазь келень материалонть лангс нежедезь, ильветькстэме.



Ловномась

Маштома вайгельсэ ды эсь пачка ловномо ды ловнозенть чарькодеме. Ловномань туртов саезь текстсэ келень материалось саеви программань коряс эйкакштненень со­давикс материал лангс нежедезь. Од валт совавтовить 3% аволь седе ламо. Сынь чарькодевить контекстэнь коряс эли муевить валксонь коряс.

Кемекстамс тонавтницятнень валке марто важодемань ёрокост.

Вейке минутас ловнови 300 знакто авопь седе ламо.

Максомс тонавтницятненень газетасто, эйкакшонь журналсто саезь текст, тонавтомс ловномо ды смустень чарькодеме мокшэрзянь художественной литературасто саезь художественной сеть текстнэнь, конат ванновить программань коряс.

Маштомс видестэ сёрмадомо сеть валтнэнь, конатнень тонавтницятне кармасть содамо; тееме ды сёрмадомо план ловнозь ды кунсолозь текстэнтень, 6—8 предложе-ниясто сочинения. Анокстамось моли тонавтыцянть ле-зэнзэ вельде.

Ловномась ды кортамось.

Народной ёвкст. «Тейтерь ды мацей», «Кода дурак са-лонь рамамо якась», «Атя ды овто»

Валмеревкст.

Лирической морот. «Умарина», «Вай, иля пува, вар-ма, вирь ланга»

Литературной ёвкст. М. Сайгин «Вачо верьгиз»

Т. Тимохина «Салывор ды Бобик»

Л. Седойкин «Трямкат»

М. Тарасова «Псакань ёвкст».

Поэзиясь. И. Кривошеее «Тундо», «Касыть чувтынеть».

А. Малькин «Килей», «Чиньжарамо»

И. Калинкин «Сёлмов оя»

А. Арапов «Иляст сода война зярдояк», «Велень ульця»

П. Любаев «Пизёлкс», «Укштор»

Прозась. Я. Григошин «Дошлой Прокине»

А. Тяпаев «Шабрат»

А. Мокшони «Тюляй»

А. Щеглов «Нузякс Кузя»

П. Глухов «Кедровой пештть»

К. Абрамов «Кие мезе соды» (нурька налксема)

Сёрмадомась.

6-це классо ютазенть мельс лецтямось.

Существительнойтнень склоненияст. Основной скло-нениясь. Падежтне. Указательной склонениясь. Вейкень числань теевемась. Ламонь числань теевемась.

Притяжательной склонениясь.

Числительной. Числительнойде чарькодемась. Про­стой, сложной ды составной числительнойть. Количе­ственной ды порядковой числительнойть.

Глаголось. Глаголдо чарькодемась. Глаголонь аволь определенной формась. Глаголонь шкатне. Неень шка, ютазь шка, сыця шка. Отрицания марто глагол.

Причастия. Причастиядо чарькодема. Действительной ды страдательной причастият.

Деепричастия. Деепричастиядо чарькодема.

Наречия. Наречиядо чарькодема.

Валмельгакст. Союзт. Частицат. Междометият.

Ютазенть мельс лецтямось.

8-це классось

Кортамонь ды ловномань ёрокчинь кастомань кисэ сайневикс примерной т е м а т н е

Ломанесь, сонзэ эрямокизэ, тевензэ, эрямонть лангс вановтозо. Эйкакштнень тонавтнемантень, эрямосо молиця полавтовкстнэнь лангс вановтост.

Школань эрямосо тевтне. Тонавтнемась эйкакштнень эрямосо. Кие кода аноксты эсь прянзо икелешкантень, кинень кодамо профессия мельс тукшны.

Ошсо, велесэ ялга ютксо сюлмавкстнэ. Цёрынетнень ды тейтернетнень ютксо ялгаксчись.

Эрзянь келень, литературань коряс анокставиця куль­турной ды лия мероприятиятне. Эйкакштнень лезэст те тевсэнть.

Вечкевикс писательтнень ды поэтнэнь произведенияст. Ломанень эрямокинь ды обуцянь невтемась художествен­ной литературасо.

Россиянь ды Мордовиянь государственной символикатне.

Культурань ды историянь памятниктне.

Россиянь ды Мордовиянь содавикс ломантне.

Россиянь ды Мордовиянь народтнэнь эрямосо молиця полавтовкстнэ.

Гражданинэнь праватне ды обязанностне минек тиринь масторсо.

Мокшонь, эрзянь ды рузонь кельтне Мордовиянь эрицятнень эрьва чинь эрямосо.

Кортамо келень с одамочинтень вешематне

Чарькодезь кунсоломась, аудирован и яс ь

Тонавтницятненень эряви чарькодемс эрямодо эрзякс кортамонть, тонавтыцянть толковамонзо, кармавтоманзо, звукозаписьсэ кунсолозь текстнэнь.

Теевить сынь истямо материалонть коряс, кона те шкантень ваннови программань коряс. А содавикс валтнэде текстсэ вастневить 3% аволь седе ламо.

Текстэнь кунсоломась —6—7 минутат.

Кортамось

Эсь юткова кортамонь ютамось. Маштомс ветямо кавто ды седе ламо тонавтниця ютксо кортамо саезь темань коряс ды мезе ловнозель. Кортамсто путневить кевкстемат, максовить лангозост ответт. Вастневи кармавтома, тердема, вешема, ве мельс прамонь невтема ды лият. Кортамонь репликатнес совавтовить дополненият, уточненият. Репликатне теевить содазь келень материалонть лангс нежедезь. Эрьва кортыцясь ёвты 6—7 репликат. Теевить сынь ильветькстэме, коммуникативной задачань топавтозь.

Вейкень (монологической) корта­м о с ь. Икеле апак анокста, максозь темань коряс, эсь валсо теема келейгавтозь (развернутой) ёвтнема. Сон канды описательной эли ёвтнемань (повествовательной) тюс. Седе, мезе ёвтневи, кортыцясь ёвты эсь мелензэ-арсеманзо (максы оценка). Ёвтнемась ветяви ловнозде, марязде, кунсолозде, эсь арсемадо. Тееви сон 9—10 фразасто. Фразатне теевить келень се материалонть коряс, кона тонавтнезель программань коряс, ильветькстэме.

Тонавтницятне анокстыть ды теить яволявкст (сообщеният), максыть информация кодамояк кевкстемань коряс, анокстыть рефератт ловнозенть ды кунсолозенть коряс.



Ловномась

Маштомс эсь пачка ды вайгельсэ ловномо ды чарькодеме газетасто, журналсто саезь текстнэнь. Текстнэсэ васт-невить од валт, конат чарькодевить ловномсто ды истят валт, конатнень смустест муевить валксонь коряс.

Вейке минутас ловновить 400 знакто аволь седе ламо.

В. И. Радаев «Варда»

Д. С. Куляскин «Пичай»

Г. И. Ельмеев «Ежка»

М. Е. Евсевьев — фольклорист.

Е. П. Кривошеева «Ниже садсо, мазый садсо»

Ф. И. Беззубова «Минек цёрась богатырь»

С. М. Люлякина «Седей риске»

Ф. М. Чесноков «Озяз Мика»

В. И. Ардеев «Скрипач Оха»

Ф. С. Атянин «Надя»

В. Н. Радин «Пизьгатаень само шка»

А. М. Моро (Осипов) «Русь»

И. Н. Кудашкин «Мазый морозо — од порасто»

М. Г. Имяреков «Подвиг» П. А. Ключагин «Цярахман»

Сёрмадомась

7-це классо ютазенть мельс лецтямось.

Валонь сюлмавомась. Валонь сюлмавомась главной ды зависимой валтнэнь марто.

Предложениятнень видэст. Предложениянь главной члентнэ: подлежащеесь ды сказуемоесь. Предложениянь второстепенной члентнэ: определениясь, дополнениясь ды обстоятельствась.

Однородной член марто предложеният.

Лексикась. Лексикадо чарькодема. Валонть смустезэ. Вейке ды ламо смусть марто валт. Виде ды кандовиця смусть марто валтнэ. Омонимть. Синонимгь. Антонимть.

Икелень ды оде тонавтнезь валтнэнь сёрмадомат иль­ветькстэме.

Кавксоце классо тонавтнема иень перть тонадомс содавикс темань, ловнозь текстэнь коряс планонь тееме, 7-8 предложенияето планонь коряс сочинениянь сёрмадомо, эрзянь кельстэ рузонь келье ды мекевланк 6—8 пред­ложениясто теезь текстэнь ютавтомо.


9-це классось

К о р т а м о н ь ды ловномань ёрокчинь кастомань к и с э сайневикс примерной т ем а т н е

Кортнемат эрямосо молиця полавкстнэде. Кода кие аноксты эсь прянть эрьва чинь эрямонтень. Тонавтницят-нень вановтост перть пельксэнь, эрямо лувонь питнетнень лангс, теитерькатнень ды церакаитнень ютксо ояксчист лангс.

Кие кода тонавтни ды оймси. Важодемась эрямосонть.

Кудонь ды вирень ракшатне минек эрямосо.

Школасо эрзянь келень ды литературань коряс аволь классонь мероприятиятнень анокстамось тонавтницят-нень марто вейсэ ды сынст ютавтомась. Кортнемат эйстэст, корязост питнень максомась.

Тиринь масторось.

Мордовиянть эрямосо промышленностень, велень хозяйствань тевтнеде мельть-арсемат.

Тиринь республикань содавикс ученойтне, ошсо ды велесэ содавикс парсте важодиця ломантне.

Од ломантнень эрямост минек масторсо.

Армиясь, мирэнь ванстомась.

Россиянь ды Мордовиянь эрямосо тешкставиця исто­рической ды лия дататне.

Мокшэрзянь, рузонь ды лия народтнэнь ютксо ялгаксчись, вейсэнь эрямось ды важодемась.

Кортамо келень с о д а м о ч и н т е н ь в е ш е м а т н е

Чарькодезь кунсоломась, аудирова­н и я с ь

Чарькодемс эрзянь кельсэ кортамонь ветямонь лувонть, уроксо тонавтыцянть кортамонзо, темань коряс ёвтнеманзо.

Кунсоломс ды чарькодемс ловнозь эли кунсолозь звукозаписьсэ васенцеде саезь текст. Васенцеде ловнозь ды кунсолозь текстэнтень совавтовить колмо процент а содавикс валт. Смустест чарькодеви ловномань коряс. Совавтовить кавто процент а чарькодевикс валт, конат а мешить текстэнть смустензэ чарькодемантень.

Текстэнь кунсоломась —7—8 минутат.

Кортамось

Эсь юткова кортамонь ветямось. Маштомс кавтонь ды седе ламонь ютксо эрзякс кортамонь ве-тямо, содавикс кевкстемань коряс дискуссиянь ветямо, эсь мелень-арсемань ёвтамо. Эрьва коргыцясь ёвты 9— 10 репликат.

Кортамонтень совавтовить ёвтамонь, кевкстемань, кармавтомань, описаниянь, пелькстамонь элементт. Кор­тамось ветяви эсь масторсо, лия масторсо молиця тевтне­де, перть пелькссэ полавтовксто, иень шкадо ды лия те­мань коряс.

Кортыцятненень эсь мелеет ёвтамс ильветькстэме, со­давикс келень материал лангс нежедезь.

Вейкень (монологической) корта­мось. Икеле апак анокста, максозь темань коряс ветямс ёвтнема эсь валсо, теемс келейгавтозь яволявкс (сообще­ния). Евтнемась эли яволявксось теевить тонавтнема иень перть ваннозь келень материалонть лангс нежедезь.

Максозь темань коряс маштомс тееме доклад, икеле анокстазь ды ловнозь материалонть коряс ванновкс (об­зор);

Евтнемантень совавтовить 12—13 фразат. Теевить сынь ильветькстэме, тонавтнезь келень материалонть лангс не­жедезь.

Сёрмадомась

Маштомс ильветькстэме сёрмадомо тонавтнезь валт-нэнь, репликатнень, предложениятнень.

Ловнозь, кунсолозь текстэнь коряс изложениянь, сочинениянь сёрмадома (9—10 предложениясто).

Эрзянь кельстэ рузонь келье ды мекевланк содавикс текстэнь ютавтнема. Текстэнтень совавтовить 6-8 предложеният. Вейке кельстэ омбоцес ютавтозенть ильветькстэме сёрмадомась. Нежедеви валке ды лия справочной литера­тура лангс.

Грамматикась, видестэ валонь ё в т а м о с ь д ы сёрмадомась

Глаголонь лексической синонимиясь.

Глаголонь вейке лицянь форматнень лия лицянь формань значениясо вастневемась; лицянь форматнень аволь определенно-личной обобщенно-личной ды безличной значениясо тевс нолдамонть стилистической ёнкстнэ.

Вейке наклонениянь формасо глаголтнэнь лия наклонениянь значениясо молеманть стилистической ёнкстнэ.

Кармавтомань ды побудительной наклонениянь фор-матне, сынст пингстэ чевтелгавтомань частицатне; пону­дительной залогонь ды инфинитивень форматне, сослага­тельной наклонениянь формась. Сынст стилистической функцияет.

Тонавтомс:



  • мукшномо художественной ды публицистической текстнэстэ келейетэ саевикс глагольной весе лицянь фор­матнень ды нееме сынст стилистической сталмонь кандо-маст;

  • максозь текстеэ полавтомо вейке наклонениянь глаголтнэнь лия наклонениянь глаголсо. Невтемс, кода полавтови тень пингстэ текстэнть смустезэ;

  • ютавтнемс творческой роботат. Сёрмадомс вечкевикс профессиядо. Сёрмадомсто кирдема мельсэ глаго­лонь лицянть. Сёрмадовксонтень совавтомс седе ламо со­слагательной наклонениянь глаголт.

Причастиятне, деепричастиятне, сынст стилистической сталмонь кандомась.

Причастиятнень эрьва кодамо стилень текстеэ вастне­вемась, лия кортамо пельксэнь значениясо вастневемась, истя: книганъ ловныцясъ ловныця эйкакшосъ.

Деепричастиянть келей выразительной средстватне.

Тонавтомс:

— совавтомо кортамос ды сёрмадомас деепричастият ды причастият келенть седе образнойкс ды гайгицякс, содержаниянть сюпавокс теемаст кисэ.

Частицатне, междометиятне, изобра­зительной валтнэнь стилистической сталмонь кандомаст.

Тонавтомс:

— кортамонь ды сёрмадомань эрзянь келень стиленть паролгавтоманзо кисэ, морфологиянь синонимиянть мельсэ кирдезь, эрявикс морфологической средствань коч-


камо ды тевс нолдамо.

СИНТАКСИСЭСЬ ДЫ СТИЛИСТИКАСЬ

Простой предложениятнень видэст, сынст синонимикаст

Синонимикась предложениясо ды валонь сюлмавкссо, валтнэнь вейкест-вейкест марто сюлмавомасонть. Те явле-ниянть стилистикань ёндо сталмонь кандомазо (стилисти­ческой возможностензэ).

Эрьва кодамо типень предложениятнень ютксо сино­нимичной отношениятне. Сынст сайнемаст художествен­ной произведениясо, эрьва чинь кортамосо, научной ды публицистической стильсэ.

Тонавтомс:



  • кортамосо маштозь сайнеме эрьва кодамо типень простой предложеният (истя, зярдо кортави кодамояк состояниядо эли деиствиядо, кона тееви лицянть мелензэ лангс апак вано, келейетэ саевить аволь личной предложениятне: «Ловсо вельтизе моданть»;

  • ванномо эрьва кодамо вейке текстэнь вариантт ды невтемс, кодамо видэнь предложениятнень вельде седе выразительнойстэ панжови смустесь, содержаниясь.

Предложениянь однородной члентнэнь стилистической сталмонь кандомаст (стилистической ролест) эрзянь кельсэ.

Однородной определения марто п р е д ложениятне.

Однородной члентнэнь союзтомо сюлмавомась, одно­родной членэнгь икеле союзонь саемась, однородной члентнэнь а эсь таркасо саемась кортамонть седе вырази­тельнойстэ тееманзо кисэ.

Предложениянь обособленной члентнэнь аволь обо­собленной член марто синонимической сюлмавкстнэ.

Вводной валтнэды пшкадемась кода кортамонь э м о ц и о н а л ь н о с т е н ь к е п е демань средстват.

Тонавтомс:


  • ванновикс текстстэ мукшномо однородной члент­нэнь ды пшкадеманть, чарькодеме кандовикс стилистиче­ской сталмост;

  • келейстэ совавтомо эсь юткова кортамос предло­жениянь однородной члент.

Сложной п р е д л о ж е н и я т н е н ь ютксо синонимической сюлмавкстнэ.

Невтемс, кодамо стилень текстсэ вастневить простой ды сложной предложениятне.

Союзтомо ды союз марто сложной предложениятне, сынст стилистической смустест (ванномс текст лангс нежедезь).

Простой, сложносочиненной предложениятнень ютксо синонимической отношениятне; те явлениянть стилисти­ческой возможностензэ (ванномс текст лангс нежедезь).

Виде ды косвенной кортамо марто предложениятнень стилистической ёнксост.

Маштомс:


— стилень паролгавтомга, синтаксической синонимиянь мельсэ кирдезь, эрявикс стилистической конструкциянь кочкамо ды тевс нолдамо.

Эрьва ванновикс разделэнть коряс ютавтневить твор­ческой роботат, сёрмадовить сочиненият, анокставить са­мостоятельной роботат.



Ловномась

Маштомс эсь пачка ловномо ды чарькодеме валкстомо васенцеде максозь текст, эсь валсо ловнозенть ёвтнеме. Сайневить а покш саевкст газетасто, журналсто, худо­жественной произвеленияето. Эйсэст материалось улезэ максозь тонавтнезь ды содавикс келень-валонь коряс. Вастневить од валт, конат чарькодевить смустень коряс.

Ловныть ды валке марто чарькодить ловнозенть, эсь валсо ёвтнить ловнозденть. Текстнэсэ вастневить валт, ко-нань смустест чарькодеви валксонь коряс.

Минутазонзо ловновить 700 знакто аволь седе аламо.

Тонавтнема иень прядома шкантень маштома валкстомо ловномо ды чарькодеме васенцеде максозь текетт, конат сайневить газетасто, научно-популярной литературасто, художественной произвеленияето.
Мокшэрзянь художественной л и т е­ ратурной произведеният, конатнень марто теевить содавиксэкс вейксэце к л а с с о

Аникин Степан Васильевич

Чардыменть чиресэ (Саевкс. Эрзянь келье ютавтызе А. Брыжин-ский)

Сабан-богатырь (Ёвкс. Литературной витевкстнэ СВ. Аникинэнь)
Ёвтнемасо невтемань основной средстватне

Дорофеев Захар Фёдорович

Русь


Ялганень

Кшинтень


Кулдуркаев Яков Яковлевич

Эрьмезь (Евкс кезэрень эрямодо. Саевкс)



Евсевьев Макар Евсевьевич

Мордовской свадьбась (Мекев потамо — «потавтома»)



Безбородое Михаил Ильич

А-ух! Эх... («Мацтезь кеж» поэмасто саевкс)

Луга лангсо

Вирь


Чесноков Фёдор Маркелович

А стувтовить

Эсь велесэ

Радаев Василий Кузьмич

Сияжар (Саевкс)



Кривошеее Илья Петрович (Илька Морыця)

Мирэить знамяпзо ало

Пушкиннэнь

Мазый шка

Цярахман

Петрова Ксения Семёновна

Ташто койсэ (Саевкс)



Раптанов Тимофей Алексеевич

Татю


Дорогойченко (Дорогойченков) Алексей Яковлевич

Покш Каменка (Саевкс «Сисем пежетькст». Эрзянь келье ютавтызе



А. Доронин)

Григошин Яков Пахомович

Иневеденть бороцизь

Эйкакш вийсэ лездамо

Фольклоронь ды литературань стихосложениясь

Морской (Малышев) Дмитрий Иванович

Ульяна Сосновская (Поэмасто саевкс. Эрзянь келье ютавтызе А. Арапов)


Бедной Олодя (Литературной витевкстнэнь теинзе А. Брыжин-ский)

Эрямонь видечись ды художественной арсевксэсь

Ларионов Сергей Степанович

Идем галат



Произведениянть смустезэ ды формазо

Никул Эркай (Иркаев Николай Лазаревич)

Моро Ратордо (Кезэрень пингень повесть)



Артур Моро (Осипов Афанасий Матвеевич)

Россия, тиринем Россия

Ветеран

Олёна


Теле

Пекшень дудкине

Соне

Сонетт.

Виард (Ардеев) Василий Иванович

Апак учо вастома (Ёвтнема)



Кириллов Пётр Семёнович

Литова


Войпапь киява

Атакас


Солдатонь кулома

Наступления



Драмань жанранть чарькодемась

Бебан Максим Афанасьевич

Борисэнь уцясказо (Поэмасто саевкс)

Учёной Сярдо (Басня. Эрзянь келье ютавтызе А: Арапов)

А стувтоват тон монень зярдояк (Сонет. Эрзянь келье ютавтыз А. Арапов)



Коломасов Василий Максимович

Лавгииов (Саевкс)




Даже знак параграфа выглядит как орудие пытки. Станислав Ежи Лец
ещё >>